Тирана, Албания, 19-23 августи соли 2024 – Дар доираи лоиҳаи USAID «Муҳоҷирати бехатар ва муқовимат ба савдои одамон», Созмони Байналмилалии Муҳоҷират (СБМ) дар Тоҷикистон сафари омӯзишӣ барои ҳайати Тоҷикистон ба Албанияро ташкил кард. Ин ташаббус ба омӯзиши таҷрибаи пешқадам дар соҳаи муҳоҷирати бехатар ва муқовимат ба савдои одамон, аз ҷумла муайян кардани қурбониёни савдо, ҳифзи онҳо ва бозравонӣ равона карда шудааст.

Лоиҳаи «Муҳоҷирати бехатар ва муқовимат ба савдои одамон» иштироки ҳафт намояндаи Вазорати корҳои дохилии Тоҷикистон, Прокуратураи генералӣ, Вазорати меҳнат, муҳоҷират ва шуғли аҳолӣ, Вазорати тандурустӣ ва ҳифзи иҷтимоӣ, Хадамоти гумрук, Кумитаи назорати маводи нашъаовар, инчунин се намояндаи ҷомеаи шаҳрвандӣ, ки дар соҳаи муқовимат ба савдои одамон ва дастгирии қурбониёни савдои одамон фаъолият мекунанд, дар сафари омӯзишӣ ба Албания дастгирӣ намуд. Ду корманди лоиҳаи СБМ гурӯҳро ҳангоми сафарашон ба Албания ҳамроҳӣ карданд.

Барномаи омехтаи таълимӣ ва экскурсионӣ, инчунин ҳамкории шахсӣ бо ҳамкорони албанӣ ба иштирокчиёни тоҷик имкон дод, ки бо таҷрибаи муваффақи Механизми миллии бозравонии Албания шинос шаванд, ташаббусҳо ва хизматрасониҳои давлатӣ ва ташкилотҳои ҷамъитиро барои қурбониёни савдои одамон бубинанд ва сохтори онҳоро, муайян кардани қурбониёни савдои одамон, ҳифз ва реинтегратсияро муҳокима кунанд. Илова бар ин, иштирокчиён имконият доштанд, ки ба идораи полис ва якчанд паноҳгоҳ барои қурбониёни савдои одамон ташриф оваранд, то моделҳои муайянкунӣ, ҳифз, барқарорсозӣ ва реинтегратсияро дар амал бубинанд ва ба мутахассисон ва амалгарони албанӣ саволҳо диҳанд.

Сафар иштирокчиёнро бо донишҳои мушаххас, муваффақ ва самаранок дар бораи ҳамоҳангсозии мубориза бо савдои одамон, ҳифзи қурбониён, механизми бозравонӣ ва хизматрасониҳо барои қурбониёни савдои одамон таъмин намуд, ки онҳо метавонанд дар Тоҷикистон татбиқ кунанд. Ғайр аз ин, иштирокчиён ба зудӣ ба таҳияи Нақшаи миллии нави амали Тоҷикистон оид ба муқовимат ба савдои одамон шурӯъ мекунанд ва метавонанд донишҳои бадастомада ва таҷрибаи пешқадами Албанияро низ ба назар гиранд.

Барои гирифтани маълумоти бештар, лутфан тамос гиред:  nshekhova@iom.int;