Бохтар, Тоҷикистон - 11-12 Mай 2023, СБМ омӯзиши дурӯзаро дар бораи он ки чи гуна созмонҳои ҷамъиятӣ ва муассисаҳои давлатӣ метавонанд имкониятҳои занон аз оилаҳои муҳоҷиронро васеъ гардонад, гузаронид, то ки онҳо тавонанд маблағҳои худро беҳтар идора кунанд ва худро боэътимод эҳсос кунанд. Зеро аксари муҳоҷирон мардонанд, занон бештар вақт дар хона мемонанд ва маблағҳои хонавода, аз ҷумла маблағҳои интиқолии муҳоҷиронро идора мекунанд. Азбаски дастрасии занон ҳам ба ниҳодҳои молӣ ва ҳам ба таҳсилоти молӣ камтар аст, бисёре аз хонаводаҳо дар Тоҷикистон ба далели надоштани дониш ва малакаи молӣ дар идораи даромади хонаводагӣ ба мушкил рӯ ба рӯ мешаванд. Вобаста ба шумораи зиёди хонаводаҳое, ки занон сарварӣ мекунанд, ки аз интиқоли маблағҳо вобастаанд, дастгирии тавонмандсозии иқтисодии занон барои кушодани иқтидори рушди интиқоли маблағ барои ҳалли мушкилоти камбизоатӣ, кам кардани хатарҳои вобастагии интиқоли маблағ ва пешгирии доғи ин занон муҳим аст.

Барои ҳалли ин мушкилот СБМ Тоҷикистон барои кейс-менељерҳои созмонҳои ҷамъиятӣ ва мутахассисони мақомоти давлатии вилояти Хатлон тренинги дурӯза оид ба саводнокии молиявӣ доир намуд. Бо омӯзонидани ин ҷонибҳои муҳими манфиатдор дар бораи камбудиҳои дониши молиявии занони ақибмонда, занон бештар ваколатдор мешаванд, ки ҳангоми идоракунии молияи худ дастгирӣ шаванд ва метавонанд маблағҳои интиқолиро барои фаъолиятҳои устувори даромаднок истифода баранд.

Омӯзиш аз машғулиятҳои назариявӣ ва амалӣ иборат буд. Дар рӯзи аввал иштирокчиён оид ба идоракунии молиявӣ, аз ҷумла идоракунии даромади оила ва хароҷоти рӯзмарра, банақшагирии кӯтоҳмуддат ва дарозмуддати буҷет, сармоягузорӣ ва идоракунии қарз маълумот гирифтанд. Дар рӯзи дуюм шунавандагон бо гузаронидани тренингҳо оид ба саводнокии молиявӣ барои занони осебпазир ва баланд бардоштани сатҳи шуғли онҳо мутобиқи талаботи бозор машқ карданд. Илова бар ин, тренинг ҳамчун як платформаи ҳамкории созмонҳои ҷамъиятӣ ва сохторҳои давлатӣ ҷиҳати дастгирии занони осебпазири аз муҳоҷират зарардида мусоидат кард.

Омӯзиш аз ҷониби Вазорати корҳои хориҷии Норвегия дар доираи лоиҳаи минтақавии «Ҳимояи муҳоҷирони осебпазир» маблағгузорӣ шуда, таваҷҷуҳи хоса ба тавонмандсозии занон дар заминаи муҳоҷират дар Осиёи Марказӣ мебошад.

Барои маълумоти иловагӣ лутфан ба Шокирҷон Шокиров (sshokirov@iom.int) муроҷиат кунед.