-
Мо кистем
Мо кистемСозмони Байналмилалии Муҳоҷират (СБМ) ҳамчун созмони пешбари байниҳукуматие, ки ба муҳоҷирати инсондӯстона ва муназзам ба нафъи ҳама мусоидат менамояд, бо 175 кишвари узв, 8 кишваре, ки мақоми нозирро доранд ва идораҳо дар беш аз 100 кишвари саросари олам, як ҷузъи низоми Созмони Милали Муттаҳид мебошад. СБМ фаъолияти худро дар Тоҷикистон аз соли 1993 оғоз кардааст.
Дар бораи
Дар бораи
СБМ дар сатҳи ҷаҳонӣ
СБМ дар сатҳи ҷаҳонӣ
-
Кори мо
Кори моҲамчун созмони пешбари байниҳукуматие, ки ба муҳоҷирати инсондӯстона ва муназзам мусоидат менамояд, СБМ дар пуштибонии муваффақ шудан ба Рӯзномаи амал то соли 2030 тавассути соҳаҳои гуногуни мудохилае, ки кумаки башардӯстона ва рушди устуворро бо ҳам мепайвандад, нақши калидӣ мебозад. Дар Тоҷикистон, СБМ ба муҳоҷирон тавассути фаъолиятҳои гуногуни кӯчдиҳӣ, дастгирӣ ва муҳофизат кумак мерасонад.
Мо чӣ кор мекунем
Мо чӣ кор мекунем
- Додаҳо ва захираҳо
- Амал кунед
- Рӯзномаи 2030
Давраи омӯзишӣ барои кормандони ВКХ Ҷумҳурии Тоҷикистон
Кормандони сафоратҳо ва консулгариҳои Тоҷикистон дар кишварҳои беруна рӯзҳои 1-2-юми июни соли 2016 дар давраи омӯзишӣ дар мавзӯъи мубориза бо савдои одамон иштирок карданд.
Кормандони дастгоҳи марказии Вазорати корҳои хориҷӣ ва сафорату консулгариҳои Тоҷикистон, ки дар ин давраи омӯзишӣ иштирок карданд, бо нақши Механизми миллии бозравонӣ дар самти муайянсозӣ ва бозравонии қурбониёни савдои одамон ба ниҳодҳои марбутаи давлатӣ ва ниҳодҳои ҷомеъаи шаҳрвандӣ шинос шуданд.
Давраи омӯзишии мазкур аз ҷониби Созмони Байналмилалии Муҳоҷират (СБМ) дар ҳамкорӣ бо Вазорати корҳои хориҷии Ҷумҳурии Тоҷикистон ва Шӯъбаи назорат ва мубориза бо савдои одамони Департаменти давлатии Иёлоти Муттаҳида (J/TIP) ташкил шуд.
Савдои одамон як навъи ғуломдории замони имрӯз буда, инсонро бо ҳадафи истисмори корӣ ё шаҳвонӣ ва ё манфиати молӣ мавриди тиҷорат қарор медиҳад. Азбаски тиҷорати инсон ҷинояти фаромарзӣ мебошад ва бисёре аз қурбониён дар кишварҳои дигар қарор дошта, ниёзманди дасти ёриянд, сафоратҳо, консулгариҳо ва хадамоти муҳочират ба ҳайси нуқтаи нахустини тамос миёни ватан ва қурбониён дар раҳоии онҳо ва наҷоти ҳаёту сарнавишти онҳо нақши калидиро мебозанд. Таълими малакаҳои зарурӣ ба шахсони вазифадори ин сохторҳо дар муборизаи муассир бо савдои одамон дар Тоҷикистон саҳм мегузорад.
Иштирокдорони давраи омӯзишӣ вазъи савдои одамонро дар Тоҷикистон, аз ҷумла қонунгузории навини миллӣ ва санадҳои байналмилалиро баррасӣ карда, бо таҷрибаи ҳамкориҳои байналмилалии Ҷумҳурии Тоҷикистон дар самти мубориза бо савдои одамон шинос шуданд. Коршиносони маҳаллӣ нақши ҳайати дипломатиро дар мубориза бо савдои одамон шарҳ дода, иштирокдоронро бо равандҳои нав дар самти ҳимоя, муайян ва бозгардонидани қурбониёни савдои одамон ошно сохтанд. Ба Механизми бозравонии қурбониёни савдои одамон ва аслҳои равонӣ ва ахлоқии ҳамкорӣ бо қурбониёни савдои одамон дар давраи мазкур аҳаммияти вижа дода шуд.
Илова бар ин, иштирокдорон аз таҷрибаи наву пешрафтаи ҳамкорӣ миёни идораҳои давлатӣ ва ҷомеаи шаҳрвандии маҳаллӣ ва ҳамчунин, нақши СБМ ва ниҳодҳои ҷомеъаи шаҳрвандӣ дар талошҳои муштарак ҷиҳати ҳимоя ва ёрӣ ба қурбониён, аз ҷумла ироаи паноҳгоҳҳо ва таҳияи бунгоҳҳои эътимод ба воситаи телефонҳои боварӣ огоҳ шуданд.